Тыдзень беларускай мовы

19.02.2018

Тыдзень беларускай мовы – гэта заўсёды свята. Свята Мовы, свята пявучага беларускага Слова. Моўныя ранішнікі і цікавыя падарожжы, займальныя віктарыны і сур’ёзныя літаратурныя дыскусіі – ўсё гэта паглыбляе веды вучняў, абуджае цікавасць і любоў да роднага слова.

П л а н

правядзення Тыдня беларускай мовы і літаратуры

ў ДУА «Сярэдняя школа №2 г.Слуцка»

з 19 па 24лютага 2018 года

№	Мерапрыемства	Дата	Клас	Адказныя
1	Адкрыццё прадметнага тыдня. Афармленне стэнда	19.02	5-11	Гадунова Т.А., Пупкевіч В.К.
2	Конкурс малюнкаў “Чытаем і ўяўляем”	19.02 24.02	5-11	Гадунова Т.А., Пупкевіч В.К.
3	Вусны часопіс “Дзве мовы сталі блізкімі мне змалку”	19.02	11	Гадунова Т.А.
4	Моўны турнір	19.02	6	Пупкевіч В.К.
5	Гульня па прафілактыцы шкодных звычак “Хто жадае стаць міліянерам”	20.02	7	Гадунова Т.А.
6	Свята фразеалагізмаў, прыказак, прымавак “Сказаў як звязаў”	22.02	5	Гадунова Т.А.
7	Гульня-віктарына “Наша Беларусь”	22.02	8	Пупкевіч В.К.
8	Культаралагічная віктарына “Вандроўка па родным краі”	23.02	9	Пупкевіч В.К.
9	Свята мовы “Размаўляем па-беларуску”	24.02	5 6 7	Гадунова Т.А., Пупкевіч В.К., Вучні 10 класа
10	Падвядзенне вынікаў Тыдня беларускай мовы і літаратуры. Узнагароджанне пераможцаў	24.02	5-11	Гадунова Т.А., Пупкевіч В.К.

19.02.2018 года падчас моўнага турніру “Падарожжа ў краіну Мовазнавію” вучні 6-га класа сталі удзельнікамі конкурсаў: “Эрудыт”, “Кемлівы”, “Лесвіца”, “Матэматык”, “Перакладчык”, “Усявед”, “Чужое слова” і іншых моўных турніраў. Кранулі дзіцячыя сэрцы і беларускія мелодыі, выкананыя пад гітару.

А завяршылася свята вершам-наказам Леаніда Дайнекі “Любіце мову”.

24.02 2018г. для вучняў 5-7 класаў вучнямі 10 класа было арганізавана свята “Размаўляем па-беларуску”, прысвечанае Міжнароднаму дню роднай мовы. Праводзіліся конкурсы на адгадванне загадак, на лепшага “гаваруна”, на знаўцу прыказак і прымавак. Дзеці з задавальненнем ўдзельнічалі ў інсцэніроўцы народнай песні “Сеў камарык на дубочак”, у сцэнках на школьную тэматыку. Вывучылі правілы беларускіх народных гульняў “Маша”, “Кот і мышы”. Вучні праявілі знаходлівасць і кемлівасць, узбагацілі свой слоўнікавы запас. Мерапрыемства прайшло на належным узроўні.